En Monforte o acendido oficial tivo lugar na Praza de España, diante dun novidoso arco-paquete-agasallo que simboliza, en verbas do Alcalde “unha nova esperanza e unha nova ilusión para o vindeiro ano 2021.” Dende o Equipo de Goberno considérase que instalar este ano o alumeado de Nadal é unha boa maneira de axudar ó comercio e á hostalería monfortinos, animando tanto ós cidadáns como ós veciños dos concellos limítrofes a saír da casa e a mercar nos establecementos monfortinos, contribuíndo á dinamización económica.
Este ano ilumínanse 64 rúas con 32.372 luces. Ademais das 64 rúas iluminadas, tamén están adornadas a Torre da Homenaxe, a praza de España, o Campo de San Antonio, a praza de Carude, a praza dos Chaos e a praza da Estación, e 7 letreiros de “Bo Nadal” ubicanse nas entradas á cidade de Monforte. As arcas municipais destinaron este ano un orzamento de 28.000 euros.
Chantada e O Saviñao
Este venres tamén se acenderon as luces de Nadal en Chantada. Colocouse unha árbore na praza do Cantón simbolizando a esperanza dos tempos mellores. Ilumínanse as árbores da rúa Leonardo Rodríguez e praza Santa Ana. O concello creou o poboado de Nadal feito con materiais reciclados e disposto por diferentes zonas da vila.
Tamén o concello do Saviñao ten xa iluminada a capitalidade municipal, especialmente na contarna do concello e toda a zona centro.
