Dende a Asociación de Comerciantes e Empresarios de Sarria apostan por dar vida ao Nadal, embelecendo as rúas coa iluminación e os escaparates dos comercios, creando un ambiente navideño. Desde a asociación aseguran que “O comercio e hostalaría da vila desexa transmitir alegría e ilusión nestas datas, a pesar das circunstancias, con precaución e seguindo todos os protocolos de seguridade fronte á COVID.”
O vindeiro luns 14 e ata o 31 de decembro terán na rúa de novo “O LOTÓN“, na súa terceira edición. “As compras entre as datas sinaladas farán que un/unha cliente do CCU de Sarria gañe MIL EUROS, que terá que gastar de novo no comercio asociado,” sinalan desde Aces Sarria. “Mil euros que premiarán a fidelidade dos consumidores ao pequeno comercio. A persoa premiada terá que facer as súas compras antes do día de Reis. O sorteo terá lugar no bulevar da Calvo Sotelo o día 4 de xaneiro.”
Esta actividade convivirá coa campaña de Nadal da Federación Galega de Comercio, “Este Nadal, o comercio de Lugo máis preto de ti”, no que se sortean 10.000 euros repartidos en tarxetas prepago de 200 € e 300 €, e as que optarán tamén os clientes do Centro Comercial Urbano de Sarria.
Por outra banda, o clube de fidelización www.clubccusarria.com permitirá acumular puntos por cada compra no mesmo, que se converten en descontos para futuras compras.