O Concello de Sarria e a entidade Foro de Formación e Edicións veñen de asinar un convenio que permitirá a formación gratuíta e en liña de traballadores, incluídos os autónomos e os que se atopen en situación de Erte ou Ere.
Os cursos están destinados aos traballadores dos sectores ambiental, gran distribución, agricultura, gandería, alimentación, construcción, sector textil, novas tecnoloxías e sector químico. Destacar que ao ser virtuais adáptanse aos horarios de todos os traballadores, sempre que se finalicen dentro da data final.
A formación ofrece a posibilidade de adquirir, sen custe algún para interesadas e interesados, novos coñecementos e complementar a formación laboral. Unha formación que pode abrir a porta a novas oportunidades laborais e que chega a Sarria grazas ao do Servizo Público de Emprego Estatal (SEPE) e da Fundación Estatal para a Formación no Emprego (Fundae).
A listaxe con todos os cursos dispoñibles, que comezan o día 5 de febreiro, está dispoñible na páxina web do concello podendo os interesados e as interesadas chamar por teléfono e contactar co axente de emprego local (982-535000) para informarse mellor, coñecer prazas libres e apuntarse.