IniciosociedadeUn San Xosé con animación de rúa en Quiroga

Un San Xosé con animación de rúa en Quiroga

O Concello de Quiroga organiza para o Día do Pai un espectáculo de animación de rúa a cargo do Trío Detrés. E do 22 ao 27 deste mes dende a asociación de comerciantes e empresarios do Xeoparque desenvolven unha campaña para incentivar o comercio.

Publicado o

POR
Redacción
- Advertisement -

A actuación titulada “Máis Ritmo” é un espectáculo versátil,  coa música e o ritmo como protagonistas, mesturado con rutinas e gags cómicos. Temas propios, versións de cancións populares, divertidos arranxos para un programa que transita por todos os estilos. 

A actuación, unha sucesión de situacións cheas de humor, de improvisación e de solucións disparatadas acompañadas da mellor música, desenvolverase o vindeiro venres a partir das seis da tarde pola Rúa Real.

Campaña de comercio do Xeoparque

Vinte e dous comercios da asociación de comerciantes e empresarios do Xeoparque van regalar vales dun euro por compras superiores a 20 euros, do 22 ao 27  de Marzo. Vales que se poden gastar, nos once hostaleiros asociados. A data límite para gastar os vales é o 15  de Abril.

Con esta iniciativa buscan apoiar aos compañeiros hotaleiros, que están a pasar por unha situación difícil e á súa vez, incentivar o comercio de proximidade.

Julio Álvarez en Madrid

O alcalde de Quiroga, Julio Álvarez, acompañado do concelleiro de cultura, José Luis Ribera, desprazouse ata Madrid para reunirse co director de contidos de Mediaset, Manuel Villanueva, ao que une unha gran amizade. 

Na xuntanza tamén estivo o polifacético presentador, Carlos Sobera, que ten pensado visitar Quiroga en curto prazo. Para a xuntanza foron recibidos pola quiroguesa, Mónica Fernández, recoñecida como mellor summiller do mundo no ano 2017.

Julio Álvarez Madrid / Concello de Quiroga

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...