IniciosociedadeO Concello de Monforte denega a exención de taxas solicitada polo sindicato...

O Concello de Monforte denega a exención de taxas solicitada polo sindicato USO

Unión Sindical Obrera pedía non cobrarlle aos candidatos que se presentarán ao novo proceso selectivo para cubrir 3 prazas de Policía Local e non o puideron facer na convocatoria anterior.

Publicado o

POR
Redacción
- Advertisement -

Publicada no BOE a nova convocatoria do Concello de Monforte de Lemos para prover 3 prazas de Policía Local, o sindicato FAC-USO solicitou a exención da taxa para os opositores e opositoras que xa a tiñan aboado no proceso anterior que resultou fallido.

Eses candidatos e candidatas non se puideran presentar por coincidencia de data cunha convocatoria do proceso selectivo para cubrir prazas para os Corpos de Policía Local tramitados pola Academia Galega de Seguridade Pública. Daquela, a petición de cambio de data non foi atendida polo Concello de Monforte.

Recibida a solicitude de exención de pago de taxas remitida polo sindicato USO, o Concello de Monforte pasou o tema a Tesourería Municipal para o seu estudo e ditamen. Á vista da ordenanza fiscal e outras normativas de aplicación o departamento municipal emitiu un informe xurídico comunicando que “non procede declarar a exención de pagamento da Taxa polo concepto de ‘Dereitos de Exame’ para os/as inscritos e inscritas admitidos/as no anterior proceso selectivo”.

Apoiándose no anterior informe, con data 29 de marzo, o Concello decretou denegar a devandita solicitude de exención de taxa.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...