O Concello de Pantón informa que este ano non se poderán realizar os cursos de natación por mor da Covid, pero si seguirá adiante a organización dos campamentos de verán.

Desenvolveranse entre o 1 de xullo e o 13 de agosto, de luns a venres en horario de 10:00 a 14:00 h. e para cativos e cativas de 4 a 12 anos. O edificio anexo ao colexio Complexo Monte Baliño será o lugar de encontro co lecer e o entretemento infantil para estes días de verán.

Sairán 20 prazas ás que se lle dará saída por rigorosa orde de solicitude con preferencia para nenos e nenas empadroados en Pantón e a inscrición realizarase entre o 14 e o 25 de xuño nas oficinas da Casa da Cultura. O prezo por neno/a é de 30 euros.