Punto de atención administrativa Covid na estación de autobuses de Monforte

O punto de atención administrativa covid-19 posto en marcha pola Consellería de Sanidade en Monforte de Lemos atendeu nos primeiros catro días de funcionamento máis de 400 consultas cidadás, o 45% delas para obter o certificado de vacinación.

Punto Covid Monforte / Delegación Territorial

O servizo comezou a prestarse o pasado luns no centro de saúde cunha acollida “extraordinaria”, e considérase que na nova ubicación da estación de autobuses “será aínda máis funcional e resolutivo”. Tamén se está a acondicionar a antiga cafetería da estación, onde se realizarán a partir deste sábado os test de antíxenos que se viñan efectuando nunha unidade móbil.

Nestes días, ademais dos 182 certificados de vacinación expedidos, no servizo atenderon 103 consultas relacionadas coas aplicacións Sergas Móvil e E-Saúde e 98 relativas á Chave 365, entre outras.

Javier Arias salientou a rápida actuación e a máxima coordinación entre as consellerías de Sanidade e Mobilidade e Infraestruturas á hora de buscar un local adecuado para acoller tanto a oficina para atención administrativa como o punto de realización de test de detección rápidos. No mesmo sentido, indicou que tamén en maio as consellerías de Sanidade e Educación coordinaron coa máxima celeridade a instalación do punto de vacinación no antigo colexio do Sagrado Corazón de Monforte.

DEIXAR UN COMENTARIO

Please enter your comment!
Please enter your name here