HomesociedadeQuiroga adxudica a construción do cemiterio municipal e dunha nova rúa

Quiroga adxudica a construción do cemiterio municipal e dunha nova rúa

O concello de Quiroga adxudicou a primeira fase de construción do cemiterio e da nova rúa que unirá a rúa Tallos coa rúa Rego da Silva e ademais dará servizo ao novo cemiterio.

Publicado o

POR
Redacción
- Advertisement -

Esta primeira fase de construción conta cun orzamento de 175.000 €., 75.000 financiados por Vicepresidencia 1ª e Consellería de Presidencia, Xustiza e Turismo, para a construción do campo santo e 100.000 €, financiados pola Consellería Infraestruturas e Mobilidade, para servizos básicos (auga, rede de sumidoiros,..) para o cemiterio e para o novo viario.

No pasado mes de xuño, o Consello da Xunta de Galicia daba luz verde á ocupación dos terreos pola vía de urxencia. No mes de xullo tiña lugar  o levantamento da acta de ocupación na que se recollían os datos dos propietarios e das parcelas implicadas, pasando os terreos a ser propiedade do concello. Agora comeza xa un proxecto bianual que dotará aos veciños dun cemiterio municipal e da urbanización dunha nova rúa.

A adxudicataria comezará co replanteo dos terreos polo que na vindeira semana poderán verse xa as máquinas no movemento dos terreos para estas dúas obras, que se levarán a cabo ao mesmo tempo.

O alcalde quirogués, Julio Álvarez, destacou a rapidez coa que se levou a cabo este proxecto pois nun ano tomouse a decisión política dunha obra que xa está contratada.

O proxecto do novo recinto mortuorio, endosado ao actual cemiterio, ten unha superficie de 3.326 m2, no que se construirán 1.154 unidades de enterramento novos entre panteóns e nichos. Tamén contará con dous columbarios para depositar as urnas das cinzas con 42 espazos cada un; e un local de culto aconfesional. Dende o novo recinto crearase unha rúa en diagonal e unha serie de rúas que facilitarán o acceso a todos os servizos do cemiterio así como ao antigo campo santo.

En canto á nova rúa, a que o rexedor local cualificou como “a mellor rúa da vila”, terá unha lonxitude de 200 metros e unha anchura de 16 m., grazas, como recalcou o alcalde, “á xenerosidade dos propietarios que cederon os terreos”.

Unha vez iniciada esta primeira fase das obras, trabállase xa no que será a seguinte fase para a que se calculan uns 370.000 €, nesta ocasión seguramente a cargo dos fondos propios do concello.

ÚLTIMAS

Campus de Voleibol e de Fútbol en Quiroga

O Concello de Quiroga poñerá en marcha un ano máis, e xa van 5,...

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...