Consideran desde a asociación veciñal, que este espazo público, considerado como patio, está infrautizado e abandoado a pesar estar ubicado no centro de Escairón. Dende a asociación propoñen darlle algunha utilidade e humanizalo para que poida ser aproveitado como área de reunión e estancia das/os veciñas. “Recentemente vimos como se enchía de público na actuación dos Contacontos “Furafollas”, confirmando a aptitude deste espazo para actividades culturais e escenográficas na tempada de verán”, sinalan.

Dende a asociación propoñen algunhas medidas para que este espazo sexa aproveitado e utilizado a diario pola veciñanza:

• Eliminación do peche e da valla e conversión deste lugar nunha praza.
• Retirada do panel exterior para pegada de publicidade.
• Colocación duns bancos e mesas para uso social.
• Colocación de dous puntos de luz.
• Sustitución ou arranxo das pérgolas do Auditorio que presentan un avanzado deterioro.
• Adecentamento da caldeira da calefación e pintura dun mural para disimular esta instalación.