Marquesiñas de madeira en catro paradas do bus escolar do Saviñao

Colocáronse no lugar de Páxera, en Villalarides, en Cazón e en Santalla para dotar aos nenos e nenas dun lugar resgardado para agardar o autobús escolar.

Marquesiña O Saviñao / concello do Saviñao

Esta iniciativa forma parte do plan municipal de humanización e renovación de mobiliario urbano que o Concello do Saviñao está realizando polas distintas parroquias do termo municipal.

O alcalde explica que “a colocación de marquesiñas é a primeira parte do plan que continuará a semana que vén coa instalación de cinco bancos no Camiño de Inverno” acompañados da correspondente sinalización dirixida aos peregrinos”.

Así mesmo, o Concello colocará antes de final de mes cubrecontedores nas zonas de influencia turística. Levaranse estas infraestruturas a aquelas zonas que contan con restaurantes e casas de turismo rural, etc.

O goberno local continúa, deste xeito, a desenvolver proxectos de dotación e mellora de infraestruturas públicas para o uso cotián dos veciños, tal e como se comprometera.                                              

1 COMENTARIO

DEIXAR UN COMENTARIO

Please enter your comment!
Please enter your name here