A primeira celebración foi ca familia. Numerosos familiares entre os que se atopaban os seus tres fillos, os cinco netos e os catro bisnetos, déronse cita nunha comida que foi toda unha sorpresa para a homenaxeada que non esperaba xuntar a toda a familia pois non todos viven cerca.

Despois chegaría a celebración cos seus veciños. Aínda que natural de Barxa, cando casou foi vivir a San Vitoiro, outro núcleo do municipio a 2 km. e onde segue vivindo coa súa filla.

E a terceira celebración foi no Centro de Día da Ribeira de onde é usuaria. Arroupada polos compañeiros e traballadoras do centro e acompañada de música de gaitas chegaría a torta de celebración e tamén os agasallos. O propio alcalde de Quiroga, Julio Alvarez, faríalle entrega dunha placa en recordo do seu centenario.

Gimena goza aos seus 100 anos dunha envexable saúde e  mostra diso foi que deu boa conta da torta de aniversario, acompañouna dun trago de sidra e incluso se atreveu cun baile. 

Moitos parabéns Gimena!