HomesociedadeComezan en Monforte varias xornadas sobre prevención de riscos laborais no sector...

Comezan en Monforte varias xornadas sobre prevención de riscos laborais no sector agropecuario

A AGACAL celebra ata cinco xornadas sobre prevención de riscos laborais no sector agropecuario que se desenvolverán no Centro de Formación e Experimentación Agroforestal de Monforte de Lemos. Comezan este luns 22 e celebraranse ata o venres 26 de novembro, en horario de 10,00 a 14,00 horas.

Publicado o

POR
Redacción
- Advertisement -

Ao longo de catro horas de formación, o obxectivo é proporcionar tanto aos traballadores do sector agrario como aos que teñen intención de incorporarse os coñecementos básicos en materia de prevención de riscos laborais, coa finalidade de fomentar a adquisición de habilidades e unha cultura preventiva para diminuír os accidentes laborais neste tipo de actividades.

O programa arrancará cunha pequena introdución á prevención de riscos e cun repaso á lexislación relacionada, para logo abordar os riscos e medidas preventivas xerais e específicas na agricultura e na gandería, as actuacións en caso de emerxencias e o recoñecemento e uso de equipos de protección individual para a aplicación de produtos fitosanitarios. Por último, os asistentes desprazaranse á explotación do Centro de Formación e Experimentación Agroforestal de Monforte para levar a cabo unha análise de riscos.

Estas accións están dirixidas en xeral a calquera persoa vinculada profesionalmente cos sectores produtivos relacionados coa agricultura, gandaría, industria agroalimentaria e cadea forestal-madeira, así como a mozos e mozas do medio rural galego e a persoas con expectativas de incorporación ao sector.   

Nesta páxina poden descargarse as solicitudes de asistencia correspondentes, que deberán remitirse cubertas ao enderezo electrónico ceca.monforte@edu.xunta.gal.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...