HomeCulturaA IV Asemblea das Irmandades da Fala 100 anos despois

A IV Asemblea das Irmandades da Fala 100 anos despois

A inauguración da xornada “Cen anos soñando o destino” contou con representación do concello de Monforte coa concelleira de cultura, Marina Doutón e da Deputación de Lugo, a través da vicepresidenta, Maite Ferreiro. O Consello da Cultura Galega organizaba esta conmemoración en Monforte para lembrar o centenario da IV Asemblea Nacionalista das Irmandades da Fala.

Publicado o

POR
Redacción
- Advertisement -

Na inauguración da xornada tamén participaron Rosario Álvarez Blanco, Presidenta do Consello da Cultura Galega, Celia Pereira Porto, Presidenta da Fundación Vicente Risco, José Eduardo López Pereira, Presidente da Fundación Otero Pedrayo.

Maite Ferreiro sinalou na súa intervención “a necesidade deste tipo de actos de homenaxe, estudo e análise para ampliar e socializar o coñecemento do traballo que se levou adiante no ámbito das Irmandades da Fala e nas sucesivas asembleas nacionalistas, brutalmente interrumpido polo golpe de Estado do 36 e polo franquismo, que afogou o devir político, económico e cultural de Galiza” e remarcou “a importancia do legado desa etapa histórica na continuidade do nacionalismo e da lingua e da cultura”

Inauguración xornada / concello de Monforte

Ademais de asistir aos relatorios desenvolvidos na xornada de mañá – “Construíndo identidade entre cultura e política: As Irmandades da Fala”, a cargo de Raúl Soutelo, e “A irmandade que viaxaba en comboio: contextos da Asemblea de Monforte”, de Xurxo Ayán, na Casa da Cultura Poeta Lois Pereiro, a vicepresidenta asistiu a unha lectura pública por parte de alumnado do IES A Pinguela de Monforte que, fronte ao Mosteiro de San Vicente, declamaron textos das persoas que participaron na IV Asemblea Nacionalista.

Pola tarde os relatorios foron sobre “Causas e consecuencias da ruptura das Irmandades da Fala na Asemblea de Monforte”, de Emilio Insua, e “Irmandiñas. Compromiso e paixón pola Terra”, de Aurora Marco, cun coloquio. A xornada rematou co concerto de Uxía Senlle e Sergio Tannus ás 20.00 horas.

ÚLTIMAS

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...