Despois da retirada da grúa o pasado xoves, 31 de marzo, da rúa Ferrol, na mañá de hoxe, arredor da unha do mediodía, procedeuse a retirar o silo de xiz de dita rúa.

Cúmprese así o mandato do Alcalde, en acordo adoptado en Xunta de Goberno o pasado 21 de marzo, no que o rexedor municipal ordenaba tanto a retirada da grúa como do silo de xiz que a empresa Otero Aldao SL mantiña na rúa Ferrol dende 2013.

A grúa fora instalada nos números 14 e 15 da rúa Ferrol pola empresa Otero Aldao SL, que en setembro de 2007 solicitara ó Concello unha licencia para acometer a construción dun edificio.