O concello de Samos celebrou este mércores unha nova edición da súa Feira de Artesanía e Produtos Naturais. A cita que se desenvolve na Ponte de Lóuzara contou coa asistencia do deputado de promoción económica e social, Pablo Rivera Capón.

A Deputación achega a esta cita, que busca dinamizar a vida social e económica do municipio, 4.600€ a través do Plan Único de Cooperación cos Concellos. Na visita, na que as autoridades percorreron algúns dos postos da feira con produtos tradicionais e naturais, Rivera Capón estivo acompañado de Julio Gallego Moure, Alcalde de Samos.