175 nenas/os do Concilia Sarria visitan Lugo e a Deputación

O Presidente da Deputación de Lugo, José Tomé Roca, recibiu este venres no Pazo de San Marcos aos 175 nenos e nenas que participan no programa Concilia do Concello de Sarria na quenda da segunda quincena de agosto.

Visita Concilia Sarria á Deputación / Deputación Provincial

A institución provincial colaborou con esta visita a Lugo co desprazamento, para o que fretou catro autobuses.

José Tomé, que estivo acompañado polo Deputado de Promoción Económica e Social, Pablo Rivera Capón, e o Concelleiro de Benestar Social de Sarria, Benjamín Escontrela, deulle a benvida no Salón de Actos aos rapaces e rapazas, de 3 a 12 anos de idade, e aos seus 13 monitores, desexándolles unha xornada divertida que recorden no futuro e animándoos a coñecer a Deputación e a cidade.

Os nenos percorreron despois as dependencias do Pazo de San Marcos e os xardíns e recibiron como agasallo o libro Colorea a túa provincia. Logo pasearon pola Muralla e foron ao cine.

DEIXAR UN COMENTARIO

Please enter your comment!
Please enter your name here