HomesociedadeO Valedor do Pobo pide á Consellería de Infraestruturas unha resposta á...

O Valedor do Pobo pide á Consellería de Infraestruturas unha resposta á regulación da velocidade na Abeleda

O Valedor do Pobo intervén no caso da regulación de velocidade na parroquia de Abeleda, no concello da Teixeira. Durante este verán, a través da Asociación Silamouras recolléronse 112 sinaturas que reclamaban medidas de seguridade vial en tramos especialmente concurridos, especialmente onde se proxecta a construción dun parque infantil.

Publicado o

POR
Redacción
- Advertisement -

O pasado mes de xullo, o citado escrito asinado pola veciñanza foi remitido ao Concello, sen recibir unha contestación do equipo de goberno municipal, polo que acudiron ao Valedor, Ángel Gabilondo.

A presidenta da asociación Silamouras e candidata de Podemos ás vindeiras eleccións, Mercedes Martínez, asegura que grazas á intervención do valedor, “en xaneiro o concello remitiu contestación na que comunicaba que o tramo solicitado dependía da Consellería de Infraestruturas e Mobilidade. O Valedor do Pobo agarda agora, despois de case dúas décadas de inacción autonómica e municipal, a contestación da Consellería que permita saber á veciñanza porque non existen pasos de peóns nin outras medidas de calmado de tráfico nesta travesía tan concorrida especialmente en tempada alta, xa que é o núcleo de poboación máis próximo ao embarcadoiro do catamarán da Ponte do Sil.”

Mercedes Martínez insiste, “a veciñanza dos núcleos rurais tamén temos dereito a que se reduza a velocidade nas poboacións. Desde que pedimos estas medidas na Abeleda, noutros lugares do concello, como Boazo, tamén o solicitaron e o concello xa colocou sinais reducindo a velocidade a 30 Km/h, sen que se arbitraran máis medidas. Consideramos que é un paso adiante, pero aínda insuficiente. Merecemos respostas e merecemos que o desenvolvemento turístico da Ribeira Sacra non se faga esquecendo á xente que vivimos nela.”

ÚLTIMAS

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...

VII Andaina solidaria da Peroxa

O Concello de A Peroxa organiza a sétima edición da súa andaina solidaria, co...