HomesociedadeBanda ancha e luminarias de baixo consumo para o municipio de Ribas...

Banda ancha e luminarias de baixo consumo para o municipio de Ribas de Sil

A subdelegada do Goberno en Lugo, Isabel Rodríguez, confirmou hoxe no Concello de Ribas de Sil a pegada do Plan de Recuperación, Transformación e Resiliencia do Goberno nos municipios pequenos da provincia de Lugo. "Impulsamos o desenvolvemento de proxectos encamiñados na transformación verde e dixital das nosas vilas, sobre todo no rural, como sucede con Ribas de Sil, co principal obxectivo de mellorar os servizos básicos e a calidade de vida da veciñanza", sinala Rodríguez.

Publicado o

POR
Redacción
- Advertisement -

Isabel Rodríguez desprazouse este mércores a Ribas de Sil para supervisar co alcalde, Miguel Ángel Sotuela, as principais iniciativas que financia o Goberno de España no municipio e, ao mesmo tempo, coñecer as súas demandas e necesidades. Coñeceu o resultado deste proxecto que consistiu na renovación e mellora do 70% do sistema de alumeado público exterior de todo o municipio, que contou cunha axuda de máis de 190.000 euros do Ministerio de Transición Ecolóxica e o Reto Demográfico e unha achega de 50.000 euros por parte do Concello. Grazas a esta colaboración, instaláronse 746 luminarias de baixo consumo en todas as aldeas do municipio. A intervención tamén contemplou a substitución de báculos, canalizacións, cadros de protección e máis de 6.600 metros de cable.

Estes fondos tradúcense nun aforro de máis do 45% no consumo de enerxía eléctrica, o que supón unha rebaixa de emisións de máis de 21 toneladas de CO2 ao ano e 10.000 euros máis para as arcas municipais. Nesta liña, a subdelegada destacou que este tipo de medidas están orientadas a favorecer o paso a unha economía baixa en carbono, contribuíndo ao desenvolvemento sostible e enerxético dos municipios da provincia.

Xunto coa transición enerxética, a subdelegada valorou a presenza de Ribas de Sil nas dúas convocatorias do Programa UNICO para a dixitalización de todo o territorio. En Ribas de Sil, o Programa UNICO permitirá a conexión de máis de 100mb a case 100 zonas da vila sen cobertura. “Polo tanto, máis de 1.300 fogares e empresas de Ribas de Sil contarán cun servizo fundamental no día a día, garantindo a igualdade de oportunidades entre os habitantes dos nosos pobos”.

Neste senso, Isabel Rodríguez informou que o Goberno aprobou o UNICO Demanda Rural, unha nova liña do programa que se dirixe ademais de garantir que esa conectividade sexa de 100mb o sexa a unhas tarifas asumibles, para que os habitantes destas zonas poidan contratar servizos de banda ancha a 35 euros ao mes. O plan contempla tamén a subvención do 100% dos custos asociados á alta destas subscricións ata un máximo de 600 euros por cliente.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...