IniciosociedadeA Asociación de Veciños de Parteme, en Quiroga, e a Deputación abren...

A Asociación de Veciños de Parteme, en Quiroga, e a Deputación abren vías de colaboración para mellorar servizos públicos

Representantes da Asociación de Veciños de Parteme, aldea da parroquia de Nocedo, no concello de Quiroga, xunto a membros da Federación de Asociacións Veciñais da Provincia de Lugo, mantiveron un encontro coa voceira socialista do Goberno provincial e responsable da área de Réxime Interior, Promoción do Territorio e Turismo, Pilar García Porto.

Publicado o

POR
Redacción
- Advertisement -

A reunión enmárcase dentro dos contactos habituais que o Executivo mantén con representantes do tecido asociativo e do movemento veciñal da provincia para coñecer de primeira man as necesidades dos veciños e veciñas.

Entre as súas demandas, a asociación expuxo a necesidade de habilitar unha solución para que as ambulancias poidan chegar ó núcleo da aldea de Parteme. Reclamación que teñen presentado ao Concello, sen que ata o momento se teñan adoptado medidas. Pilar García Porto escoitou a exposición dos veciños e comprometeuse a estudar a situación, “que concorda coas grandes liñas de traballo que desenvolvemos en cooperación cos concellos, como son a aposta pola mobilidade e, dende logo, garantir que todos os veciños, vivan onde vivan, teñan acceso a unha atención sanitaria de igual calidade.

Piden tamén fosas sépticas, desaugadoiros –que na actualidade saen ao medio dun camiño público-, rozas, arranxo de rúas, abastecementos de auga potable para as casas, actualización da iluminación pública ou limpeza de camiños públicos. Esta situación que, explicaron, os levou xa a dirixirse á Valedora do Pobo para reclamar que o Concello lles dea resposta á vintena de escritos que lle teñen dirixido e que, de momento, non foron atendidos polo consistorio.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...