Homesociedade114.000€ no reforzo da rede de abastecemento danada polos incendios en 6...

114.000€ no reforzo da rede de abastecemento danada polos incendios en 6 núcleos do Courel

A Consellería de Infraestruturas e Mobilidade executou en seis núcleos de Folgoso do Courel obras de reconstrución e reforzo da rede de abastecemento de auga que se viu afectada pola vaga de incendios do pasado verán.

Publicado o

POR
Redacción
- Advertisement -

As obras non se limitaron á reposición dos elementos danados senón que incluíron novas dotacións para mellorar o servizo. A Consellería, a través de Augas de Galicia, investiu 114.500 euros nos traballos, que se contrataron pola vía de urxencia e beneficiaron a Folgoso, O Mazo de Santigoso, A Campa, Vilar, Vidallón e Vilamor.

Entre as principais intervencións figura a instalación dun novo depósito de 15.000 litros no Mazo de Santigoso, que incrementa a cantidade e a presión da auga dispoñible. En Vidallón incorporáronse 12 bocas de incendio e dúas mangueiras para extinción de incendios forestais. Na Campa soterráronse 20 metros de tubaxe que xa fora substituída ao resultar danada pola realización dun cortalumes.

En Folgoso foi preciso refacer todo o sistema, xa que arderon as tres captacións das que se abastecía; problemas similares obrigaron a colocar novas arquetas e substituír a tubaxe en Vilar e Vilamor.

O delegado da Xunta, Javier Arias, destacou que desde o primeiro momento os esforzos estiveron dirixidos a garantir o abastecemento en todas as zonas damnificadas polo lume, que afectou gravemente ás infraestruturas hidráulicas. “Unha vez realizadas as tarefas máis urxentes, desenvolveuse este proxecto para mellorar as condicións de prestación do servizo”, apuntou.

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...