O Consorcio de Turismo da Ribeira Sacra organiza do 1 ao 11 de novembro un programa de actividades relacionadas co outono.
O día 1 de novembro das 11:00 ás 15:00 horas ruta en coche polos viñedos de Belesar, combinada con tramos a pé para o avistamento de aves e picnic ao estilo tradicional.
O día 2 de novembro visita teatralizada no Mosteiro de Santa María de Montederramo das 17:00 ás 19:00 horas cun pequeno magosto ao rematar.
O 3 de novembro das 11:00 ás 15:00 horas ruta en coche polos viñedos de Belesar combinada con tramos a pé para asesoramento fotográfico e picnic ao estilo tradicional. Outono a vista de río I: Viñedos do Sil Ruta guiada en kaiak polo Sil (2 horas de duración e apta para principiantes) 16:00 h -19:00 h Punto de encontro: Embarcadoiro da Abeleda (Castro Caldelas).
O 4 de novembro ás 9:30 horas impartirase un taller de formación sobre cogomelos, seguido dunha comida degustación con cogomelos de Ribeira Sacra e a saída ao campo para recollelos cun guía especializado, rematando a xornada as 19:00 horas.
O día 10 de novembro de 11:00 a 14:00 horas con saída do embarcadoiro da Abeleda (Castro Caldelas) ruta guiada en kaiak polo Sil (2 horas de duración e apta para principiantes).
O día 11 de novembro de 9:30 a 19:00 horas no albergue de Quiroga taller de formación sobre cogomelos cun micólogo, comida degustación con cogomelos de Ribeira Sacra e saída ao campo para recollelos con guía especializado e taller de clasificación.
Información e reservas a través do correo turismo@ribeirasacra.org ou no teléfono 638 823 592
