López Abella felicitou á asociación de comerciantes do concello lucense pola organización de Raizames, encontro co que colabora a Consellería de Promoción do Emprego e Igualdade e puxo en valor o VIII Plan Estratéxico de Igualdade de Oportunidades entre Mulleres e Homes 2022-2027, no que se aborda a través de un eixe específico as mulleres no rural.

López Abella, ademais, sinalou que a futura de Lei de igualdade de Galicia, agora en tramitación parlamentaria, dedicará un capítulo ás mulleres rurais e do sector marítimo-pesqueiro, onde se recolle unha carta de dereitos e se lles recoñece prioridade nas políticas de emprego autonómicas. Fomentarase o asociacionismo e o traballo en rede destas mulleres e se creará un premio Muller Rural e do Mar en Galicia para distinguir a súa singularidade.