Nesta tempada, os bonos individuais terán un custo de 26,60 euros, mentres que os bonos familiares custarán 35,45 euros. Para conseguilos é preciso presentar o carné do ano pasado ou, no caso de non dispoñer del, unha foto tamaño carné e o Libro de Familia para poder expedir un carné novo.
A vindeira semana comezarán a impartirse os cursiños de natación, que se realizarán por quincenas: do 1 ao 15 de xullo, do 16 ao 30 de xullo, do 1 ao 15 de agosto e do 16 ao 30 de agosto. Para inscribirse é preciso reservar praza na recepción do Centro Deportivo Saúde Sarria. No caso de confirmarse a dispoñibilidade de praza é preciso realizar o pago da inscrición por transferencia e entregar o resgardo xunto cunha fotocopia do DNI do alumno/a (e se é menor de idade, tamén unha fotocopia do pai, nai ou persoa titora).
