O festival Ribela Love&Nature, une en Sarria música, gastronomía e sustentabilidade. O evento, dedicado á música urbana e electrónica, conta desde o venres ata hoxe, 19 de agosto, con dous escenarios, espazos gastronómicos e de xogos, e unha zona de camping.
Cóntase coa actuación de 16 grupos e artistas, mesturando o talento local e figuras consolidadas do panorama internacional.
A secretaria territorial da Delegación da Xunta en Lugo, Marta Barreiro, gabou o esforzo de organización e destacou o éxito de convocatoria, que esgotou os bonos de promoción que se puxeron á venda. Aínda é posible comprar a entrada xeral que dá acceso a todo o recinto do festival durante as dúas xornadas.
