Segundo a asociación de veciños do Saviñao, dende hai dous anos estanse cobrando con retraso os recibos da auga e denuncian que se pasa o recibo sen data e sen concretar a auga consumida en cada recibo, “o que roza a ilegalidade e xera grande desconfianza”, aseguran.

Dende a asociación solicitan ao Concello a regulación no cobro deste servizo, que se emitan os recibos coa periodicidade do cobro; e se especifique a data do periodo de consumo, “coa lectura especificada dos centímetros cúbicos consumidos, xa que a día de hoxe estes datos non son coñecidos polo usuario, o que non parece ter base legal”.