CC.OO. esíxelle ao alcalde de Monforte, José Tomé, que convoque o Consello Económico e Social canto antes “para debater con todos os axentes Socio Económicos un plan de emprego dado os desastrosos datos do paro do mes de setembro só superado pola capital.” Así o paro en Lugo Centro Sur durante o mes de setembro arroxa un incremento de 56 persoas aumentando en todas as comarcas e en particular no concello de Monforte. O total de parados nesta área é de 2.908 persoas (+56).
Paro comarca de Lemos — 1374 (+16):
- Bóveda —40 (-10)
- Pantón —79 (-5)
- A Pobra do Brollón — 62 (-1)
- O Saviñao —119 (-7)
- Sober — 67 (-8)
- Monforte de Lemos — 1007 (+47)
Paro comarca de Quiroga — 210 (+9):
- Folgoso do Courel —41 (+4)
- Ribas de Sil — 34 (+1)
- Quiroga — 135 (+4)
Paro comarca de Chantada — 513 (+4):
- Carballedo —65 (+6)
- Taboada —87 (-3)
- Chantada —361 (+1)
Paro comarca de Sarria — 811 (+24):
- O Incio — 43 (+4)
- Láncara —85 (+10)
- Paradela —18 (=)
- O Páramo — 30 (=)
- Samos —30 (-4)
- Sarria —591 (-9)
- Triacastela — 14 (+5)
Na comarca de Sarria, só a capitalidade e Samos sálvanse, polo sector turístico. “Sarria está a sufrir un declive coa perda de moitos empregos na empresa INELCON, xa que era o estándarte da comarca, xunto con Cementos e Magnesitas de Rubián con empresas estables e de calidade,” destaca o sindicato.
A secretaría de acción sindical CC.OO. Lugo lamenta que empresarios da hostalería obriguen a traballadoras a realizar xornadas de 12–14 horas sen ningún tipo de remuneración “co agravante de malos tratos verbais e psicolóxicos. CC.OO. LUGO puxemos os feitos en mans da inspección de traballo e o xulgado do social. Así como á Residencia Domusvi, por vulneración dos dereitos dos traballadores.”
