O vicepresidente da Deputación Efrén Castro, a deputada de Normalización da Lingüística Iria Castro, e a concelleira de Cultura de Lugo, Maite Ferreiro presentaron días atrás esta actividade festiva que este ano celébrase baixo o lema “Dende aquí ata acolá. Galego xa!”.
As xornadas, que este ano acadan a súa vixésimo cuarta edición, estanse desenvolvendo en diferentes localidades de Lugo dende principios de maio e contan con concertos, festas, regueifas, obradoiros, concursos…
Este tipo de actividades, como é o Correlingua, comentaban na presentación “chaman á rapazada a reivindicar o uso do galego, e fano de maneira festiva, sen prexuízos e desfrutando de todo o que ten que ofrecer o galego e a cultura”.
MONFORTE
O Correlingua chega a Monforte de Lemos este 24 de maio, sendo a festa no Parque dos condes, lugar onde actuará a Mekánika Rolling Band.
Os obxectivos das actividades desenvolvidas desde a asociación son a reflexión sobre a situación da lingua e a importancia de activar as accións a prol dela, sensibilizar a sociedade, a través da poboación infantil e moza, da importancia da defensa da lingua, asociar o uso do idioma a actividades colectivas, lúdicas e de interacción entre o alumnado de diferentes centros e localidades e contribuír a manter vivo o maior patrimonio creado polas galegas e os galegos.
