Rafa Aguiar, “vasco de Monforte” como adoita dicir, ten orixes en Chantada e pasou en Bilbao a primeira fase da súa vida antes de fixar a súa residencia na cidade do Cabe. Apaixoado da comunicación, cumpre este 2024 corenta anos dedicándolle corpo e alma ao medio radiofónico tendo traballado para varias emisoras en Monforte ata crear no 2020 unha radio dixital baixo a marca de “Radio Monforte”.

Centrándose nesta efeméride, e aproveitando a presentación dun proxecto cultural do Ateneo Casino de Monforte, esta tarde terá lugar un pequeno acto para recoñecerlle a súa traxectoria radiofónica na Ribeira Sacra, tendo sempre Monforte como centro operativo. Será no Salón de Actos da entidade ás 20:00 h. con entrada libre ata completar aforo.

PROGRAMA

Ás 20:00 h. Presentación e homenaxe a Rafael Aquiar por Dona Aurora Azurmendi, directora do Ateneo Casino, e intervención do propio homenaxeado.

20:15 h. Inauguración da nova etapa da biblioteca coa ponencia “A radio na miña infancia” a cargo do catedrático D. Anxo González Guerra.

20:15 h. Inauguración do proxecto de dinamización cultural da biblioteca a cargo de Dona Mar López Sotelo, escritora e investigadora antropolóxica.

20:35 h. Intervención de Xosé Manuel Fernández Montes, xerente de Hermanager Producións e 2º Tenente de Alcalde no Concello de Quiroga.

Como continuación a estas intervencións haberá música e degustación de viño con produtos da terra. Viño da Adega Malcavada, da D.O. Ribeira Sacra.