No desenvolmento das súas funcións, a ANPA, dá a coñecer públicamente as deficiencias deste parque, o seu mal estado, e o perigo que supón para o alumnado, “xa que moitos elementos do parque están tan deteriorados, presentan estelas ao romper, outros elementos caen a pedazos ou apodrecen, algúns non manteñen a estabilidade…”.

Lembran que esta situación vénse denunciando dende o anterior curso educativo e nesta semana atopáronse o parque precintado, ao non garantir o seu uso en condicións de seguridade para o alumnado.

“Este abandono por parte das administracións é un claro exemplo de discriminación, pois cremos que ningún colexio do concello debe iniciar o curso co seu parque de xogos precintado por supoñer un risco para a seguridade do seu alumnado”, conlúen desde a ANPA.

Parque de xogos da Gándara / ANPA A Gándara