Todo listo para que comecen as Festas Patronais de Sober, que terán lugar do 13 ao 16 de setembro cun feixe de interesantes propostas musicais e outras actividades familiares, de lecer e gastronómicas.
Para abrir boca, o venres 13 comezará o I Torno de Catán ás 20:00 h. e un pouco máis tarde, ás 22:30 h. actuará o grupo local Os Parentes.
Chegando ao sábado 14 pola mañá haberá un pasarrúas a cargo do Grupo Brabán, Misa Solemne ás 13:00 h. e sesión vermú a continuación con ‘El Mundo de Sofía’.
Pola tarde, ás 19:30 h. un espectáculo familiar de teatro, “De Vilatriste a Vilalegre” e ás 21:00 h. un dos mellores tributos a Sabina no escenario: “La Penúltima Sabinera”. Para pechar a noite, gran concerto de rock a cargo da banda monfortina Doc Magoo’s dende as 23:00 h.
DOMINGO 15
Pasarrúas, acompañamento á procesión e sesión vermú coa Banda de Música de Sober. A Misa ás 13:00 h. e a sesión vermú ás 14:00 h.
Pola tarde, sesión de lecer familiar co espectáculo “Picadiscos” de María Faltri e dentro do programa de dinamización lingüística ‘Falaredes’ da Xunta de Galicia.
E para pechar a xornada, dende as 21:00 h. gran concerto da orquestra ‘El Combo Dominicano’.
LUNS 16
Ás 12:00 h. Misa na Igrexa Nova e ás 20:30 h. a esperada Paella Xigante e de balde para todas e todos co Mestre cociñeiro José Arias. Acompañamento musical da man do grupo Eclipse.
