O IES A PINGUELA de Monforte de Lemos vén de ser seleccionado polo Ministerio de Educación e Formación Profesional para participar nun proxecto sobre educación ambiental e ecosostibilidade xunto con outros dous centros: o IES Leopoldo Queipo de Melilla e o IES Valle do Segura de Branca (Murcia). Esta acción conta cun financiamento de 10.800 € para cada centro.
Os alumnos de 3° ESO serán os afortunados, o que implica poder realizar dúas mobilidades, a Melilla este curso e outra a Branca, en Murcia. A subvención irá destinada a sufragar as actividades programadas, así como a estancia e manutención do alumnado durante a súa semana de estancia en Melilla e Murcia, respectivamente.
O Proxecto desenvolverase en tres fases, coincidindo cos tres encontros do alumnado e do profesorado dos tres centros participantes:
-Primeiro encontro (marzo-abril de 2025): Viaxe a Melilla (IES LEOPOLDO QUEIPO).
-Segundo (outubro-novembro de 2025): Viaxe a Galicia (IES A PINGUELA, de Monforte de Lemos, Lugo) dos alumnos melillenses e murcianos.
-Terceiro encontro (1º trimestre de 2026): Na última mobilidade os monfortinos visitarán de novo o IES Valle do Segura de Branca (Murcia).
En palabras da dirección do IES A Pinguela, “estamos orgullosos de ser seleccionados para un programa que xa coñecemos por participar en convocatorias anteriores e que ofrece aos alumnos a posibilidade de ampliar horizontes e coñecer outras realidades de España”.
