A reunión, prevista para o mércores, 20 de novembro, ás 11.30 horas, ten como obxectivo analizar de forma conxunta o impacto do peche do matadoiro municipal que empregaban particulares, gandarías e empresas de transformación de toda a comarca, e abordar vías de colaboración a partir do coñecemento e a experiencia de xestión da área de Rural en relación co sector agrogandeiro e alimentario.

A convocatoria extendeuse ás alcaldias de Láncara, Paradela, O Páramo, Samos, Triacastela, O Inicio e Sarria.

O equipo de goberno do concello de Sarria asegura que a súa intención é manter aberto o matadoiro e que o peche actual se debe a reparacións imprescindibles e buscan un cambio no modelo de xestión, “incúmprese a lei, que dispón que a actividade do matadoiro debe recibir por contraprestación un prezo público que debe cubrir o 100% do custe”.