Segundo explican desde Renfe, en cumprimento coa normativa relativa ao persoal ferroviario, os maquinistas deben contar coa habilitación de condución vixente, tanto por clase de material como por infraestrutura.

Por este motivo, unha vez que Adif entregou a infraestrutura, tras realizar as probas de fiabilidade xa se pon a disposición de Renfe esta infraestrutura para que o persoal de condución poida iniciar o paso previo para que o servizo ferroviario poida volver prestarse da forma habitual.

Neste período de instrución participan maquinistas con residencia en León, Ourense e A Coruña para, nuns casos, recuperar a habilitación ademais de realizar as accións formativas e de asesoramento necesarias para recoñecer a liña e adquirir así as facultades requiridas para conducir por este itinerario.

Mentres, Renfe seguirá prestando o seu servizo de trens entre Ourense-Monforte-Lugo por estrada mediante un plan alternativo para facilitar a mobilidade dos clientes