A directora territorial de Emprego, Comercio e Emigración da Xunta de Galicia, Carmen José López, participou o mércores 23 de xullo na presentación do evento, promovido polo mago Roberto Lolo e que conta dende os seus inicios coa colaboración e apoio do Concello de Sarria. Un dos obxectivos desta programación, de alcance internacional polos artistas convidados obxectivo, é reforzar a proxección turística e cultural da localidade.

O festival contará este ano coa participación dunha vintena de artistas destacados a nivel nacional e internacional, como Toni Pons –un dos maiores hipnotistas do mundo–, Pedro Aragonés, a artista emerxente Rachel Atienza e o Mago Roger –Premio Nacional ao Mellor Mago de Escena en 2014–, a participante en Got Talent Melanie, os artistas cubanos Joel e Lucía Rivera, Karim ou Raúl Alegría.

A programación contará con novas localizacións, tanto en espazos cerrados como ao aire libre, e sumará tamén máis espectáculos infantís. O evento cumpre vinte anos consolidado como unha das citas máis agardadas do verán en Sarria.