O equipo de Axentes Ambientais, dependente da Consellería de Medio Rural, ofrece atención á veciñanza da Pobra do Brollón sobre todo tipo de temas relacionados coa xestión forestal e os montes, co obxectivo de achegar a administración autonómica á cidadanía. Trátase dun servizo que vén funcionando dende hai un tempo e que calquera veciño ou veciña do concello pode usar sen necesidade de solicitar cita previa.

ALGÚNS SERVIZOS QUE SE OFRECEN

-Xestionar permisos de queima e de corta para uso doméstico.

-Asesoramento e información sobre distancias en plantacións e a xestión de biomasa forestal para a prevención de incendios forestais.

-Información xeral relacionada coa masa forestal e a tramitación administrativa.

Tamén se ofrece atención telefónica nos seguintes números: 609 284 915 (Felipe), 609 968 769 (Javier) e 982 889 122 (oficina central do Distrito VIII-Terra de Lemos).