É tempo de oposicións en Galicia

A Xunta de Galicia publicará este luns no Diario Oficial de Galicia (DOG) a convocatoria de oposicións para cubrir 205 prazas de persoal subalterno na Administración galega e hai unha semana convocáronse 269 para o servizo contra incendios.

Oposicións en Silleda. Foto: Xunta

As últimas que se convocaron para a categoría de subalterno foron no 2008, co cal espérase que haxa moitas e moitos galegos interesadas/os en presentarse, máis se cabe sabendo que nesta ocasión ofértanse 69 prazas máis.

As persoas que consigan un posto neste proceso traballarán nas Consellerías da Xunta, en centros educativos ou en centros do ámbito dos servizos sociais. A información completa no dixital Galicia Confidencial.

O pasado luns 4 de marzo tamén publicaba a Xunta no Diario Oficial de Galicia (DOG) a convocatoria das oposicións para cubrir 269 prazas no Servizo de Prevención e Defensa contra Incendios Forestais da Administración galega, as primeiras probas que se celebran para este servizo desde o 2006. Información ao detalle en Galicia Confidencial.

DEIXAR UN COMENTARIO

Please enter your comment!
Please enter your name here