No acto deste luns está confirmada a presenza da subdelegada do Goberno na provincia, Isabel Rodríguez e está prevista tamén a participación da secretaria xeral de Igualdade da Xunta, Susana López Abella. A Xunta de Galicia mostrou a súa “máis enérxica condena” por este asasinato e outro en Valga (Pontevedra), que se investiga como un posible delito de violencia de xénero.
Nun comunicado, a Xunta manifesta súa “consternación” ante estes crimes e fai un chamamento a toda a sociedade para que “se rebele” contra esta “repudiable secuela”. Tamén anima ás persoas que “estean a ser vítimas de malos tratos a denunciar” para, subliña o Executivo autonómico, que así se “lles poida prestar a axuda necesaria para romper coa situación de violencia na que están inmersas”.
Por iso, o Goberno galego lembra que as vítimas teñen á súa disposición o teléfono gratuíto 016, que non deixa pegada na factura telefónica.
A Xunta convoca ás 12,30 horas deste luns en Santiago unha concentración de condena polos crimes cometidos en Valga e Madrid, durante a que se gardará un minuto de silencio, mentres en Sober, ademais da concentración, o Concello decretou dous días de loito polo suceso, que acontecía o pasado venres en Madrid. Todo apunta a que o octoxenario disparou á súa muller cunha escopeta de caza, na súa vivenda en Cidade Lineal para despois suiciarse tamén dun disparo, polo que se trataría dun novo caso de violencia machista.
As bandeiras do Concello “lucirán a media hasta en sinal de dor”. O alcalde trasladou no seu nome, no da Corporación e no de toda a localidade as condolencias á familia da muller.
