HomeSucesosAparatoso incendio nun edificio de catro plantas en Monforte obriga a desaloxar...

Aparatoso incendio nun edificio de catro plantas en Monforte obriga a desaloxar aos veciños

Publicado o

- Advertisement -

Un incendio nunha das vivendas dun edificio de catro plantas na localidade lucense de Monforte de Lemos obrigou a desaloxar aos inquilinos do inmoble, aínda que segundo informou o Centro Integrado de Atención a Emerxencias de Galicia (CIAE), o lume non provocou danos persoais.

O 112 foi alertado do incendio a última hora da tarde de onte, despois das 19:00 horas, cando un particular chamou para avisar de que había lume nun edificio de catro pisos situado na Rúa A Coruña, no centro urbano de Monforte de Lemos.

A persoa que deu aviso do incendio informou ao 112 de que estaba a arder a caldeira de gasóleo dun piso, ademais de precisar que non había persoas afectadas o incendio.Para  sufocar o lume foron avisados os Bombeiros de Monforte, a Policía Local e efectivos da agrupación de voluntarios de Protección Civil.

Unha das vivendas do inmoble, habitada por un matrimonio e os seus dous fillos foi desaloxada por precaución. Finalmente, unha vez extinguido o lume, os Bombeiros confirmaron que o que se queimou era un quentador de butano e todo o mobiliario que había ao seu ao redor, posiblemente por unha fuga de gas.

Técnicos da empresa subministradora encargáronse despois de reparar a avaría e a familia desaloxada puido volver á súa casa.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...