InicioSucesosDetidos en Morforte tres mozos dun grupo criminal de roubos con forza

Detidos en Morforte tres mozos dun grupo criminal de roubos con forza

Os roubos cometéronse durante as madrugadas dos días 10 de xullo e o 31 de decembro do ano pasado.

Publicado o

- Advertisement -

Axentes da Comisaría de Monforte de Lemos detiveron este pasado xoves a tres mozos de 24 e 23 anos veciños de Lugo pola súa suposta pertenza a grupo criminal e a participación en cinco roubos con forza cometidos na cidade nos meses de xullo e decembro do ano 2020.

Así o informou a Policía Nacional, que detallou que o tres son residentes na cidade de Lugo e contan con detencións previas pola súa participación en 35 delitos de roubo con forza, entre outros.

Os roubos cometéronse durante as madrugadas dos días 10 de xullo e o 31 de decembro do ano pasado. A primeira das noites accederon a un establecemento de produtos agrícolas e a unha asesoría.

Pola súa banda, a véspera de noitevella tentaron acceder ao primeiro dos locais e lográrono noutros dous, unha funeraria e unha carnicería, de onde levaron un botín de 4.000 euros. Para os desprazamentos utilizaron dous vehículos dun dos mozos detidos.

OUTRAS DETENCIÓNS

A Policía destaca que a detención destes mozos súmase á doutros cinco individuos neste último ano, integrantes tamén de grupos itinerantes desprazados doutras localidades e provincias para cometer roubos con forza en horas da noite en estacións de servizo e establecemento de hostalaría, “o que dificulta a súa identificación”, engade.

Para a comisión dos roubos repartíanse as tarefas entre eles, “organizándose cunha estrutura básica e permanencia no tempo”, sinalan as mesmas fontes policiais.

O Plan Comercio Seguro, cuxa posta en funcionamento foi presentada recentemente, compleméntase con actuacións de investigación como estas, cuxa finalidade, lembra a Policía, “é a de detectar grupos dedicados á comisión de roubos con forza nos establecementos de atención ao público, ocorridos máis aló dos horarios de apertura a cidadáns e consumidores”, o que, sentenza, “redunda nun incremento da seguridade subxectiva apreciada polos comerciantes e a sociedade en xeral”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...