O 112 Galicia informa dunha intervención no municipio de Monforte, onde os bombeiros do parque comarcal rescataron a unha muller nun balcón pasadas as 19,00 horas deste mércores.

Os feitos ocorreron nun piso da rúa Celso Emilio Ferreiro, en cuxo balcón se atopaba a vítima, que non podía moverse. Os efectivos de rescate, para acceder a ela, tiveron que utilizar un vehículo dotado para o rescate en altura.

Ademais dos bombeiros, tamén foron mobilizados efectivos da Policía Local e os profesionais de Urxencias Sanitarias de Galicia-061.