Dúas persoas necesitaron ser trasladadas a un centro hospitalario ao resultar feridas nunha colisión entre tres coches que tivo lugar este luns en Pantón.

Ocorreu sobre as 14,00 horas no quilómetro 536 da N-120 en sentido Ourense, na parroquia de Següín. Eran varios os particulares que chamaban ao 112 Galicia para avisar deste accidente e todos coincidían en que os afectados estaban liberados e accesibles.

A continuación, a central de emerxencias informou a Urxencias Sanitarias-061, aos bombeiros de Monforte, á Garda Civil de Tráfico e aos servizos de mantneimiento da estrada.

Ao concluír a súa intervención, o persoal sanitario confirmou ao 112 a evacuación de dúas persoas en ambulancia ao hospital de referencia.