IniciosociedadeTecnoloxía de última xeración en Sober para a 'desescalada'

Tecnoloxía de última xeración en Sober para a ‘desescalada’

O Concello de Sober prepárase de cara á 'nova normalidade' adquirindo diferentes dispositivos para controlar a posible expansión do COVID-19 e facilitar os traballos de limpeza e desinfección.

Publicado o

- Advertisement -

O concello soberino vén de mercar termómetros para o control de temperatura con tecnoloxía infravermella e cámara termográfica que estarán nos edificios públicos -Casa do Concello, Casa de Cultura, Gardería ou Oficina da Turismo, entre outros-, purificadores de aire ionizadores e antibacterianos con luz ultravioleta e pediluvios desinfectantes que se instalarán nos edificios públicos.

Para a desinfección de vehículos e outros espazos públicos pechados onde se celebren actividades, tales como o ximnasio municipal, pavillón polideportivo ou o auditorio da Casa da Cultura adquiriron un xerador de ozono.

Ademais do anterior, lembran que dende hai anos contan con dispensadores de xel hidroalcohólico instalados en todas as dependencias municipais.

Todas as medidas devanditas teñen como obxectivo que os veciños e veciñas poidan saír das súas casas cunha maior confianza e nunhas condicións óptimas de seguridade para manter afastado, na medida do posible, o COVID-19.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...