A mecánica da Cata Patrimonio 2023, celebrada o pasado 3 de xuño e na que colaborou o Concello de Monforte, consistiu nunha cata a cegas na que o xurado –conformado por enólogos de bodegas da zona, membros da Asociación Galega de Enólogos e prensa especializada– degustaron distintas elaboracións dos viños presentados. A partipación de 52 adegas da D.O. Ribeira Sacra demostra o interese e a importancia do certame, pois supón a presenza de máis do 90% das adegas da zona.
O Alcalde monfortino, José Tomé Roca, subliñou que gracias a eventos como este alcánzase un dobre obxectivo, “promover a Ribeira Sacra e impulsar o traballo e o esforzo das adegas pertencentes a ela, así como a posta en valor da calidade dos nosos viños”. Así mesmo, e despois de resaltar o valor do traballo dos adegueiros da Ribeira Sacra, agradeceu aos organizadores e participantes a recuperación desta Cata Patrimonio animándoos a seguir adiante con iniciativas deste tipo.
VIÑOS PREMIADOS
Brancos Gran Patrimonio: 1. A Cova Volta / 2. Peza do Rei
Brancos Patrimonio: 1. Casa Moreiras / 2. Maga / 3. Ponte da Boga, Albariño / 4. Viña Vella
Rosados Gran Patrimonio: 1. Regina Rosae
Rosados Patrimonio: 1. Cruceiro Rosa / 2. Tareixa
Tintos Gran Patrimonio: 1. Acivro / 2. Ciudaséis
Tintos Patrimonio: 1. Casa Moreiras / 2. Viña Frieira / 3. Estrela / 4. Sabatelius
Outras colleitas Gran Patrimonio: 1. Casa de Outeiro Escudo
Outras colleitas Patrimonio: 1. Guímaro Camiño Real / 2. Tolo de Xisto
Tintos Barrica Gran Patrimonio: 1. Condado de Sequeira CS / 2. Casa de Outeiro Histórico
Tintos Barrica Patrimonio: 1. Sollío Barrica / 2. Viña Peón Barrica / 3. Adega Vella 12 / 4. Viña Frieira Barrica
CONTA ATRÁS PARA O FESTIVAL DO VIÑO DA RIBEIRA SACRA
Antes da entrega dos 24 premios ás adegas gañadoras, o Alcalde anunciou que o Concello está a traballar intensamente na organización dunha nova edición do Festival do Viño da Ribeira Sacra, que se celebrará en Monforte os días 30 de xuño e 1 e 2 de xullo.
O rexedor anuncio o importante impulso que se lle deu a esta 5ª edición do Festival, que conta con mais actuacións que ningunha edición anterior, con actividades variadas para pequenos e adultos e coa participación de 30 adegas, que constitúe unha cantidade superior ao resto dos anos, superando en tres adegas o número da última edición de 2022.
O interese por mellorar a programación do Festival con respecto a edicións anteriores vese reflexado, a criterio do alcalde monfortino, no orzamento que se destina para este evento e que este ano superará os 150.000 €.
A información ao detalle do programa do evento está na páxina web do Concello de Monforte.
