IniciosociedadeO actor e modelo, Iván Sánchez, pregoeiro da XL Feira do Viño...

O actor e modelo, Iván Sánchez, pregoeiro da XL Feira do Viño de Quiroga

Iván Sánchez dixo estar feliz de ser o pregoeiro da XL Feira do Viño de Quiroga, e que aceptou gustoso a proposta que lle fixo persoalmente o alcalde, Julio Álvarez.

Publicado o

POR
Redacción
- Advertisement -

O concello de Quiroga anunciaba este sábado que a Feira do Viño que se celebrará o 16 e 17 de abril terá como pregoeiro a Iván Sáchez, actor, modelo e cunha importante vinculación familiar con Quiroga.

Como actor Ivan Sánchez traballou na televisión, no cine e no teatro. Na televisión protagonizou a serie “El auténtico Rodrigo Real” (2005) e Hospital Central (2006-2011) de Telecinco. Tamén participou en series como “El  pantano”, “Javier ya no vive solo”, “El comisario”, “Periodistas”, “Un paso adelante”, “Aquí no hay quien viva”, “Hispania la leyenda”, …

 No teatro representou a obra “Fool for love”, que o levou por toda España e coprotagonizou o musical “El guardaespaldas”, un éxito de taquilla no teatro Coliseum de Madrid (2017).

No 2011 incorpórase á telenovela hispano-estadounidense “La reina del sur” na que daba vida a un galego. Este papel – como afirma Iván Sánchez- abriulle as portas para América. Neste continente  participou da man de Televisa de México en telenovelas como “La tempestad”, papel polo que estivo nomeado no 2014 como “mejor villano”; ” Lo imperdonable” ou “Iago”, pola que estivo nomeado no 2017 como “mejor actor protagónico en serie”. Tras varios anos triunfando en México o actor regresou a España para participar en Master Chef Celebrity”, pero volveu cruzar o Atlántico para protagonizar “La mujer de mi vida”. Nestes momentos atópase rodando unha serie sobre a vida de Miguel Bosé, na que da vida ao cantante. Tamén ten previsto comezar no mes de xuño a rodaxe dunha película en Galicia.

Na parte máis persoal, Iván Sánchez, considérase un gran viaxante e coñecedor de Galicia. Dende hai dez anos, cando o seu pai, tras xubilarse veu a vivir a Quiroga, son asiduas as súas visitas ao municipio onde pasa tempo con el e desconecta das rodaxes. “Vengo al pueblo de donde es mi padre, porque el dice que es de aquí”.

        

ÚLTIMAS

Ábrese o prazo para inscribirse na “XIV Carreira Popular Concello de Monforte” que se celebrará o 28 de abril

O evento, organizado polo Concello de Monforte a través da Concellería de Deportes, contará...

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...