HomesociedadeA Xunta asegura que a Escola Fogar xa está "lista" para acoller...

A Xunta asegura que a Escola Fogar xa está “lista” para acoller o alumnado do CEIP Frei Luís

Balseiro presumiu de que se preparara o espazo "nun tempo récord" para que a actividade lectiva se desenvolvera con normalidade canto antes.

Publicado o

- Advertisement -

A Xunta asegura que as aulas habilitadas na Escola Fogar de Sarria xa están “perfectamente listas” para trasladar alí o alumnado do CEIP Frei Luís de Granada, colexio que permanece en obras.

Así o confirmou hoxe mesmo o delegado territorial da Xunta en Lugo, José Manuel Balseiro. Segundo anunciou, este luns entraron en clase 256 nenos, dos 377 matriculados no Frei Luís de Granada.

“TEMPO RÉCORD”

O traslado é consecuencia das obras que se están a acometer no colexio, parcialmente apuntalado. Logo da presión da comunidade educativa, a Xunta accedeu a buscar unha solución que garantira a seguridade da rapazada. Desa maneira, Educación emprendeu traballos de acondicionamento da Escola Fogar. Balseiro destacou que o espazo se preparou “nun tempo récord, nunha semana”.

OBRAS NO COLEXIO

Respecto das obras no colexio, Balseiro lembrou que “xa está pedida a licenza ao Concello” para poder acometelas e que “recentemente” a Consellería “acaba de encargar un proxecto de rehabilitación do colexio”.

“Esperemos que volva a normalidade, esa é a intención da Administración autonómica. Polos datos que me ofrecen parece que así está a ser”, concluíu o delegado territorial da Xunta en Lugo.

ÚLTIMAS

O Courel protesta pola ausencia de médicos

As protestas repetiranse o vindeiro mércores e ata que se solucione a situación, segundo...

Escultura en madeira con motoserra no IES A Pinguela

Eugenio Linares, asturiano e veciño de Tuiriz, no Concello de Pantón, realizou hai uns...

Diversidade e conciliación camiñando polos miradoiros de Sober

Redes Lilas agrupou a unhas 40 mulleres nunha andaina a través dos miradoiros do...

Esperta Monforte leva a pleno ampliar e mellorar a Biblioteca adquirindo o edificio da galería Sargadelos

Esperta Monforte considera que as instalacións da casa da cultura, e en particular da...