HomePolítica"Acoso e derribo por parte de Tomé á hostalaría de Monforte", denuncian...

“Acoso e derribo por parte de Tomé á hostalaría de Monforte”, denuncian os populares

Os populares instan ao alcalde a facilitar, dentro do cumprimento dos requisitos esixibles, a ampliación das terrazas dos locais de hostalería de Monforte.

Publicado o

POR
Redaccción
- Advertisement -

A portavoz do PP, Katy Varela, anuncia que presentarán unha iniciativa na próxima sesión plenaria para instar ao goberno local a prestar un maior apoio aos hostaleiros nesta tempada de verán. Igualmente, pedirán a Tomé e ao seu equipo que rectifiquen “en canto ao mobiliario urbano recentemente instalado na Compañía, que non só afea a imaxe da cidade e impide ao hostaleiro gozar do espazo, se non que irrita aos propietarios das casas, pois nalgunha nin sequera respecta as normas de accesibilidade”.

Varela destaca que, cando a hostalería estaba máis afectada polas restricións impostas polas medidas para loitar contra a Covid, “o goberno local comezou a limitar aínda máis o uso do espazo público dalgunhas cafeterías que non vulneraban ningunha norma de accesibilidade nin de seguridade peonil e viaria. Así sucedeu cunha cafetería da Compañía; a arbitraria decisión municipal de limitar a terraza terminou no xulgado e o litixio gañouno o hostaleiro”. Varela destaca que, pese a esa sentenza, “o goberno local decidiu continuar coa súa arbitraria limitación da ocupación do espazo publico para as terrazas, sen pasar por unha adecuada modificación da ordenanza, instalando elementos que impiden o uso do espazo e ademais prexudicando ás vivendas lindeiras”.

Os populares destacan que é preciso respectar os pasos peonís así como as normas de accesibilidade, pero insisten en que “é necesario axudar a hostalería e non poñerlle a soga ao pescozo”. Varela sinala que especialmente na primavera e no verán é necesario que o sector poida aproveitar ao máximo o espazo público permitido, sempre respectando á accesibilidade e os pasos peonís.

Katy Varela di que “é unha auténtica irresponsabilidade limitar o espazo público por capricho e non proceder a unha modificación regulamentaria ben motivada”. A portavoz popular lembra que, “nun estado democrático e de dereito como no que estamos, as decisións da Administración deben estar sempre motivadas, algo do que se esquece o alcalde de Monforte.”

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...