InicioPolíticaO PP de Monforte lamenta o "talante maleducado" do equipo de goberno...

O PP de Monforte lamenta o “talante maleducado” do equipo de goberno nos plenos

En canto á aprobación do preacordo con Aqualia para investir o millón seiscentos mil euros da sentenza xudicial nunha nova tubaxe xeral de fundición, o pp apoiou a proposta, pero lembran que "ese diñeiro debería ser investido nun parque acuático, pero o deixamento de Tomé coa auga nos oito anos de mandato que leva, implica a imperiosa necesidade da renovación de tubaxes, así como o estado de contaminación do río que obviamente de momento non permita a creación dunha zona de baño."

Publicado o

POR
Redacción
- Advertisement -

Aseguran que no pleno deste martes, durante o punto no que se debatía o recurso á resolución do Tribunal Administrativo de Galicia en canto ao incremento salarial das empregadas do SAF, “a tenente alcalde, Dona Gloria Prada, acurralada e sen argumentos mostrou xestos agresivos e palabras inadecuadas cara á oposición, incluso mencionando o ámbito profesional dos portavoces do Bloque e do Partido Popular. Non é a primeira vez que o equipo de goberno, ante a falta de argumentos á hora de defender a súa xestión, fan mención aos ámbitos persoais e profesionais dos concelleiros.”

Con respecto ás traballadoras do SAF aprobouse recorrer a resolución da “etiqueta”, impedindo así contemplar o incremento salarial que o convenio colectivo actual estipula. “As empregadas do Saf, impotentes, contemplaron o debate incrédulas, pois no último pleno o equipo de goberno apoiou unha moción na cal adquiría o compromiso a repetar os dereitos dos traballadores do Saf, e agora cambian completamente de opinión. Non é admisible a actitude chorona de Tomé cando se trata de gastar o diñeiro en cousas básicas e necesarias, como o servizo de Axuda a Domicilio ou o tratamento da auga.” Os populares votaron en contra.

Con respecto á queixa do PP pola varanda colocada nas inmediacións do Hospital Comarcal, aseguran os populares que “Tomé non considera urxente debater o peche ao que someteron as instalacións. Novamente enfróntase a unha institución da Xunta de Galicia, cun resquemor inexplicable sen atender nin empatizar coa importancia do correcto funcionamento do Hospital.”

Lamentan os populares que pasado máis dun mes desde a alteración da estrucutra de soporte da ponte de Piñeira, o alcalde non explicara o custo da obra nin o tempo de reparación. “Novamente esta actitude denota a mediocridade que impera no equipo de goberno e a pouca preocupación de Tomé de liquidar os problemas máis básicos dos cidadáns. Só lle importa seguir escalando postos no seu partido político e manter a presidencia da Deputación.”

Os populares tamén levaban a pleno a “problemática coa recollida de lixo” en Monforte de Lemos durante os meses de verán, solicitando incremento de cubos para evitar acumulación de lixo nas beirarrúas, así como solucionar o problema de contedores en aldeas “aos que só se acode dúas veces ao mes. A contestación de Tomé foi descoñecer esta problemática así como indicar que non existen máis cubos. Estamos a falar dunha persoa que leva 20 anos no Concello, 4 como concelleiro e que vive na cidade, polo que o abandono ao que somete á cidade do Cabe nas cuestións máis básicas é vergonzo.”

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...